من عيون الناس والله اغار يا عمري عليك‏

من طرف **امير العذاب** 03/01/11, 09:50 pm

انا لاقلت لي شلونك وانا ضايق اقول بخير~~
مدامك سائلٍ عني اكيد ان ضيقتي راحت
انا من كثر ماحبك اشوفك في عيوني غير~~
تضيق النفس من غيرك ولامن شفتك ارتاحت
احبك كثر .. ماتطري ف بالي وتشغل التفكير~~
كثر .. ماشيلك بعيني وناسٍ منها طاحت
احبك كثر .. ما ادمح خطاك ان خانك التعبير~~
كثر .. ماخانت الرفقه بكتم اسرارها وباحت
احبك كثر .. صقارٍ تولع في محبة طير~~
كثر .. مادلة الطيّب بريحة هيلها فاحت
احبك كثر .. ماحس بشعور اني عليك اغير~~
كثر .. مازيح هالغيره عن افكاري ولا انزاحت
احبك كثر .. مالك داخلي حب وغلا وتقدير~~
كثر .. ماغبت عن عيني ودموع امفارقك ساحت
تصدق !! من عرفتك صرت احبك .. واكره التغيير~~
وانا اللي كنت اعشق كل نجمه بالسما لاحت
تأكد كل ماتسئل عن حوالي اكون بخير~~
مدامك سائلٍ عني اكيد ان ضيقتي راحت

من عيون الناس والله اغار يا عمري عليك‏ 5782.imgcache

من عيون الناس والله
اغار يا عمري عليك
وما اتطمن وانسى خوفي
الا وايديني بئديك
بس تحمل كل جنوني
لانك اغلى من عيوني
لو تدوّر ماتلاقي
منهو غيري يموت فيك
انت غير الناس ..

قلبي في ايدينك يا غالي
بس خل بالك عليه
يا حبيبي هذا قلبي
وانت ادرى الناس فيه
لو اعيش العمر كله
ما انسى حبك او امله
ما ابي شي بحياتي
انت بس اللي ابيه

من عيون الناس والله اغار يا عمري عليك‏ Okstns

حبيبي نام ياعمري على
صدري وصارحني
وفض الصمت باحساسك وخل
الحب لي يجري
وفضفض لي بعد عمري
وعاتبني وفهمني
أنا أطري على بالك كثر
ما أنته علي تطري؟!
تعال أقرب من أحضاني
ترى خدك مواعدني
يبي يلامس شغف روحي
ويقطف بوحي من شعري
تعال أنثر هنا ليلك
وخل ويلك يولعني
أنا أحبك وأبي قربك..
ترى مني قضى صبري
أنا نبضك زهر أرضك
وأنت؟! ايه تملكني
بنحل خصرك ..جمر ثغرك
وزود بلونك الخمري
تتوهني .. تغرقني.. ومن
بردك تدثرني
وتبكي لي وتشكي لي
وله قلبك ومن سحري
أبي دموعك مع أنفاسك
بصدق الود تحرقني
وأبي عطرك مع سحرك
وآهك بالحشا تسري
أبي همسك يبعثرني غلا ولمسك يلملمني
وأبي عيونك من عيوني
تذوب من الولع كثري
وأبي عهدك مع وعدك وأبي كلك تسلمني
وننعم في حضن من
العالم وعن دهري
وتحييني بهلا شوقك ..
حلا ذوقك يشتتني
يلوعني ويأسرني ويملك
بالغلا فكري
أبي أيدك تسافر بي
وزهر قدك يلحفني
وأهيم بعالمك عاشق جنوني أنت
.. وانت بي تدري
تشوف الجمر بعيوني؟! تشوف
الشوق جنني؟!
أجل تدري مثل ما أدري
بأنك حلمي يابدري
حبيبي قوم وصارحني عن
احساسك وعلّمني
أنا أطري على بالك ؟! كثر [center]ما أنته علي تطري

من عيون الناس والله اغار يا عمري عليك‏ 1235a82aa3

تعال قرب حبيبي .. تعال هنا في مكانك
تعال ارمي همومك بوسط قلبي انا..
حبيبي مابي الدنيا بدونك
انت شمسي اللي شروقك يصحي ورود الربيع ..
تزهر ايامي واتنفسك..
عبير الحب وعبير العشق
حلاوة ايامي لقيتها معاك
انت الوحيد ياحبي الوحيد..
اللي قدرت تاخذ قلبي من بين ضلوعي ..
حبيبي احبك بكل المعاني
احبك بكل احساس صادق ..
ابيك بدنيتي سراج ينور دنيتي
ابيك بحياتي معنى ..
ابيك تثبت وجودي ..
واوعدك اني اكون لك ساكنه فيك
نظرتك تريحني ..
وبسمتك تسرقني مني ..
يشرد فيك فكري إلى هناك..
للحب.. للعشق.. لاحلى نبض
حبيبي تعال قرب تعال اسكن فيني
وسكن ثورة اشجوني
وردني لنفسي
وبعدها ابي اضمك حيل ..
وبحط ايادي والرجفه تسكنها ..
على قلبك ..
وبحضنه لانه منك وفيك ..
وبهمس لك واقول ,,,

اموت فيك

[/center]