بالبنط العريض

انطق بقى
وقالتها بالبنط العريض
وقالتها بعيون ناعسانين
زهقانة منى...؟
ولا من صمتى العنيد؟
وقالتها بالبنط العريض
وقالتها بعد سنين طويلة
او بعد ساعتين من لقانا
او بعد ثانية وبس م اللحظة الجميلة
لحظة ما قلبى اتشد عوده
وقال بحبك
صدقينى
مش بس بالكلمة الصريحة حقول بحبك
ولا بس بالنظرة الجريئة حقول... بريد
وقالتها بالبنط العريض
انطق وخلى الدنيا تضحك من جديد
انطق وخلى عنيا تفرح
خلى حلم البنت جوايا للى كان
يظهر ويوضح
والمسألة مش انى محتاجة لكلام
او حتى محتاجة انى احس باهتمام
انا بس محتاجة لوجودك
لانك انت الحلم ف عيون الصبية
اللى ضفاير شعرها مجدولة بالحلم السعيد
وقالنها بالبنط العريض
اقولك ايه وانتى الكلام
وانتى الحروف
والصمت ابلغ م الكلام
لو كان بخوف
اصلى بصراحة
حابب الوهم اللى حاسه لما اشوفك
والانتظار انى ارتوى
من لمستى لسلام كفوفك
جوايا ميت مليون بحبك
بس خايف تجرحينى وتسيبينى
للسنين مخلوق وحيد
وتقولى بالبنط العريض
ارحل بقى

بالبنط العريص موضوع روعه
وبالبنط العريض يسلمو ما اروعك لا حرمنا الله من جديدك دمتي بود

تسلم لنا يارب ولا حرمنا من ردك

تسلم ايدك اختي كل مشاركة لكي اجمل من التي سبقتها

دمتي بكل ود وعز

غزل كتب:تسلم ايدك اختي كل مشاركة لكي اجمل من التي سبقتها

دمتي بكل ود وعز

اشكرك اختى الغاليه غزل على مرورك الجميل على موضوعى ودمتى لنا حبيبتى

تسلمي اختي