حب ببرائة طفلة..........

من طرف **عاشقة الجوري** 01/02/10, 06:49 pm

تعرف إن شفتك بعد هالغيبة وش بسوي ؟؟...
أبي اركض عليك طفلة تدور حضن يشابه حضن أمها ....
و أبيك تفتح ذراعينك لجل تلمها ...
و أبي أضحك و أبكي سوى ...
و أبيك تمسح عن عيني دمعها ...
وتسألني دموعي ليش ذرفتها ....
و أرد عليك فرحة بعذابي الي انتهى ....
و أبيك بعدها ...توعدني إنك ما عاد تبتعد عن هنا ....
و أقولك أحبك ...اشتقت لك يالغلا ...
و أبيك علي تردها ....
و أن بغيت تمشي ...تعلقت فيك و قلتلك ابقى معي توه شوقي ما انتهى ....
و أبي أقبل ايدينك و بين ايديني ألمها ....
و أبي اصير مثل الطفلة بازعاجها ....
من خلق الله اللي حولها ما همها ...
ساعة ترتمي عليك ... وساعة تتغلى عليك ...وبعدها تضحك عليك لا عاتبتها ....
طفلة تغار لين دللت غيرها ....
ما تبيك تلتهي إلا بها ....
تبيك لها وحدها ....
تبيك تقبلها وتنثر لها شعرها ....
تبيك تدفن راسك بحضنها ....
أبي أكون بين ايدينك طفلة انت تقودها ....
طفلة عجزت تعبر عن نفسها ...
ما لقت غير أحبك وبعدها ضاعت كلماتها ....
طفلة تلمك بين ايدينها مثل ألعابها ....
خافت أحد ياخذك عنها ....
بكت وقالت انت لها وحدها ....
لين شفتك ...
أبي أركض عليك طفلة باحساسها ....
تحكي حبك نظراتها ...
يوم شافتك ما عرفت تداري دموعها وضحكاتها ....
حضنك .... صوتك .... ضحكتك ...كانوا أكبر همها ...وكل أحلامها ....
تنتهي معاناتها لين وصلت لها ...
هذا بعض اللي ممكن تسويه لين رجعت لها ...
كيف لا ؟؟؟..... وانت حبها ...كيف لا ؟؟... وانت حلمها ....
عرفت ان شفتك بعد هالغيبة وش بسوي ؟؟؟...

__________________