حبيبي لاتتغلى ترى الي يعشقوني كثـــــــــــــار

من طرف **امير العذاب** 25/08/11, 02:07 pm

حبيبي]لاتغلى] دام أحبك والزمن دوار,,
أخاف يحطني بيدين "غيرك" وأعلن إعجابي,,

أنا ماقول هذا لجل أحطك بين بردونار,,
أقوله خايف إهمالك يزيد ويحرق اعصابي ,,

نصيحه!! رتب أوضاعك ترى اللي يعشقوني كثار,,
يبوني بس أنا مازلت أحفظ الحب لأحبابي,,

حبيبي خل عنك [الثقل] واسمع آخر الأخبار,,
أنا عزمت إذا ماطعتني أدور أصحابي,,

أبي أفتح لغيرك باب قلبي وأحكي اللي صار ,,
يجوز إني معاه أرتاح وإنت تحسب غيابي,,

انا ((ماهددك)) لكن أذكر حضرتك تذكار ,,
أبي منك ((الحنان)) كان قلبك حن لعتابي,,

إذا مشتــاق لي فعلآ وقلبك حافظ الأسرار ,,
تعـــال وناظر اللي صار بعدك داخل كتابي..

أنا مابيك تتركني وترميني على الأقدار,,
ترى هذي السوايا ماتجي من شخص أدرى بي ,,

أبيك تحس فيني مابقى فيني صبر وإصرار ,,
أخاف من القهر ياغايتي وأشقق ثيابي ,,

أنا وياك ياحبيبي عن بعض التغلي كبار ,,
(( تحفظ ))لاتخليني آقفل من الزعل بابي،،