أنا شكيت الحزن فى عينى تشوف ....

من طرف **وايت روز** 31/12/11, 01:52 pm

إن شكيت الحزن في عيني تشوف
أكثر اهمومي بقلبي سآكنات

داخلي نارٍ تهاوى وسط جوف
البخت في دنيتي ما قام مآت

آآآه يا دنـيـا عـليَّه ما تــروف
إن نويت افرح تخليني شتآت

كل أيامي شكت جور الظروف
واغلب الأحلام صارت ضايعآت

عايشة ما بين ياس وبين خوف
أبكي أحوالي وأعيد الذكريآت

رحـلة ألأيام هدت كل طـوف
ناحلٍ عودي من أوجاع الحيآة

أخذ أحزآني على راحة كفوف
وابتسم للحزن من جمر الشفآة

اعتزلت النآس وحدي في عزوف
خايفة ودموع عيني فاضحآت

صرت من أهل الصوامع والكهوف
أنتظر رحلات عمر امغادرآت

وآآآآه من نفسٍ شقاها بي يطوف
والفراق أرسل سهومٍ قاتلآت

كل ما قلت الفرج جا للهنوف
جتني الطعنآت من كل الجهات

واغلب الطعنات من تحت الكتوف
من حبيب ومن قريب ومن هوآة

يالله استرني قبل يوم الحتوف
واجعل الفردوس لعيوني مبات