مصر والجزائر

على اى حال اسمحولى ادخل فى الموضوع مباشرة برغم انى مش بحب الكورة ولا مهتم بيها

لكن نظرا للى بشوفة من مهازل فى التليفزيون وعلى النت

بين الجزائريين والمصريين فى المنتديات العربية

اضطريت اكتب الرسالة دى وبكتبها فى صباح اليوم المرتقب لمباراة مصر والجزائر

يعنى مش بعد معرفت النتيجة ولا حاجة لانى عارف ان فية ناس هتقراها بعد المباراة

الرسالة دى مقصودة بكل ما تحملة من معنى

مصر غلبت الجزائر - الجزائر غلبت مصر - اية المشكلة ؟؟

هو اللى هيروح كاس العالم هيبقى على راسة ريشة ؟

مهو كدة كدة مفيش فريق عربى بيطلع اكتر من دور واحد او اتنين بالكتير

هو احنا محموقين على اية ؟

هل الفوز دة هيحل مشاكلنا المعيشية ؟

يعنى كل شاب هيلاقى شقة يسكن فيها ومرتبه هيزيد مثلا لو كسبنا ؟

او هننقص حته لو اتغلبنا ؟

القدس هيخرج منها الصهاينة لو غلبنا ؟؟

هنتعامل فى بلادنا كبنى ادمين لو غلبنا ؟

هندخل الجنة لو فريقنا غلب الجزائر مثلا ولا لو خدنا كاس العالم نفسه ؟

شىء غريب جدا جدا فعلا اننا نعمل من لعبة تافهة معركة

والى يطلق مراتة علشان بتشجع فريق منافس وحاجة قلة ادب بصراحة

يا جماعة لازم نلاحظ حاجة ونركز اوى اوى عليها

احنا بقينا بنهتم بالتوافه وبننسى الحاجات المصيرية

تعالوا معايا نشوف الجزائر اية موقعها بالظبط فى التاريخ المصرى

وهاخد على سبيل المثال لا الحصر موقفين للجزائر مع مصر فى نكسة سنة 67 و حرب 73

اولا موقف الجزائر من مصر فى نكسة 67

عند وقوع النكسة وبعد ضرب المطارات المصرية
أرسل الرئيس بومدين الى الرئيس جمال عبد الناصر
بان جميع المطارات و الطائرات الجزائرية تحت امر وتصرف القيادة المصرية

كما ارسلت على الجبهه المصرية ثلاث فيالق دبابات وفيلق مشاه ميكانيكا
وفوج مدفعية ميدانى و فوج مدفعية مضادة للطائرات سبع كتائب اسناد www.egycrazy. com/vb
وسرب طائرات ميج 21 وسربان ميج17 وسرب طائرات سوخوى

وكان خطاب الرئيس الجزائرى للجنود الذاهبين للقتال على الجبهه المصرية
ان جزء من امتنا يقع عليها عدوان فأذهبوا ودافعوا عنه
وليس امامكم الا خيارين النصر او الشهادة

اما موقف الجزائر من مصر فى حرب 73

وعندما اتت 73 فكانت الجزائر اول دولة من الدول العربية التى تعلن حظر تصدير البترول
للدول التى تساند اسرائيل وعندما حصل نقص فى الامدادات و السلاح
أرسل الرئيس بومدين شيكا موقعا على بياض
مقابل أى سلاح تحتاجه مصر أو سوريا فى الحرب


ووصل من الجزائر الى مصر
سرب ميغ 21 يوم 09/10/1973
سرب سوخوي 7 يوم 10/10/1973
سرب ميغ 17 يوم 11/10/1973
لواء مدرع يوم 17/10/1973
لواء مشاة ميكاتيكية يوم 23/10/1973
بالأضافة الى وحدات مدفعية ميدان و وحدات دفاع جوي في ديسمبر 1973
في اطار الخطة واصل التي كانت تهدف الى تصفية الثغرة.
كانت القوات الجزائرية تدافع عن القاهرة وكانت بالاضافة الى اللواء المصري المدرع 25
ولواء الحرس الجمهوري المصري المدرع القوات الوحيدة التي لم تستنزف في المعارك.

المصدر:
1-مذكرات اللواء صادق الرئيس الأسبق لأركان الجيش المصري
2-مذكرات الفريق الشاذلي
3-المنظمة الوطنية لقدامى محاربي الشرق الأوسط = جزائرية =
بالاضافة لتمويل الجسر الجوي السوفيتي الذي أقيم الى كل من سوريا و مصر.

اما بقية القوات وصلت بوقت ليس بالمتأخر ولكن وضعت في الاحتياطي العام للجيش
يعني اذا هزم الجيش وحاولت اسرائيل دخول القاهرة
كانت القوات الجزائريه ومعها القوات العربيه الاخري الدفاع عن القاهرة
ومعهم قوات الدفاع الشعبي المصريه وقوات الحرس الجمهوري

يروي الاستاذ موسى صبري في كتابه وثائق حرب اكتوبر عن الخطه شامل لتصفية الثغره
ان مصر قد طلبت من الجزائر 150 دبابه للمساعده في خطة ضرب القوات المعاديه
وعلى الفور وصلت لمصر العدد المطلوب بجنوده بمدفعيته المعاونه بذخيرته

كما ان الرئيس هواري بومدين اعلن عن وقف جميع خطط التنميه
وتسخير كل امكانيات الجزائر لصالح دعم المعركه

كما ان الرئيس بومدين عندما اتخذ القذافي الموقف البائس والشاذ بمنع البترول عن مصر
اصدر الرئيس الجزائرى بومدين اوامره لاربع بواخر محمله بالبترول
بان تحول اتجاهها من الجزائر الى مصر


الجزائر اهلنا واصدقائنا فى النهاية

وانا مصرى حتى النخاع

ولكنى اكن كل الحب لكل عربى يعرف ويثق بان الدم العربي واحد

ويارب يارب نفهم ان كل الى بيحصل دة علشان يخلونا نكره بعض كشعوب عربية

وللاسف علشان اية ؟

مباراة كرة تافهه

اختم كتابتى بان سواء مصر وصلت لكاس العالم او الجزائر وصلت لكاس العالم

فى النهاية فية فريق عربى هيمثلنا

واكيد كل مكان الفريق دة افضل هيكون شرف لينا وهيرفع راسنا كلنا

ياريت نستبدل كلمة فريق مصرى او فريق جزائرى بكلمة تانية اقوى

اختب كوكب تقبلي مروري ولكي ودي

فعلا اعادة الكلام ده تانى الان صعب جدا بعد الذى حصل من الجزائريين للمصريين وبلاش اتكلم اكتر من كدة
لانى لو كتبت هكتب كلام عكس ده بالمرة